తిరుమలలో విషాదం.. గ్రిల్స్ నుంచి పడి బాలుడి మృతి

తిరుమలలో విషాద ఘటన చోటుచేసుకుంది. గ్రిల్స్ నుంచి పడి ఓ మూడేళ్ల బాలుడు ప్రాణాలు కోల్పోయాడు. కడప పట్టణానికి చెందిన ఓ కుటుంబం తిరుమల శ్రీవారి దర్శనం కోసం వచ్చింది. వీరికి జనవరి 16వ తేదీన దర్శనం టోకెన్లు కేటాయించారు. దీంతో ఆర్టీసీ బస్టాండ్ సమీపంలోని పద్మనాభ నిలయంలో లాకర్ అద్దెకు తీసుకుంది ఆ కుటుంబం. అయితే బుధవారం సాయంత్రం అన్నతో కలిసి ఆడుకుంటున్న మూడేళ్ల సాత్విక్.. అనుకోకుండా రెండో అంతస్తు నుంచి కిందపడ్డాడు. గ్రిల్స్ నుంచి జారిపడినట్లు తెలిసింది. ఈ ఘటనలో బాలుడికి తీవ్ర గాయాలు కాగా.. ఆస్పత్రికి తరలించారు. అక్కడ చికిత్స పొందుతూ సాత్విక్ చనిపోయాడు.