తెరపైకి స్కిల్ కేసు.. రూ.23 కోట్ల ఆస్తులు అటాచ్ చేసిన ఈడీ

ఏపీ స్కిల్ డెవలప్‌మెంట్ కేసులో కీలక పరిణామం చోటుచేసుకుంది. ఈ కేసులో ఎన్‌ఫోర్స్‌మెంట్ డైరెక్టరేట్ దూకుడు పెంచింది. సీమెన్స్ సంస్థకు చెందిన రూ.23 కోట్ల ఆస్తులను ఈడీ అటాచ్ చేసింది. ఈ విషయాన్ని హైదరాబాద్ ఎన్‌ఫోర్స్‌మెంట్ డైరెక్టరేట్ కార్యాలయం ఓ ప్రకటనలో తెలిపింది. మరోవైపు ఇదే కేసులో టీడీపీ అధినేత చంద్రబాబు నాయుడిని అప్పట్లో ఏపీ సీఐడీ అరెస్ట్ చేసిన సంగతి తెలిసిందే. 52 రోజుల పాటు రాజమండ్రి జైలులో ఉన్న చంద్రబాబు.. ఆ తర్వాత బెయిల్ మీద విడుదల అయ్యారు.