తెలంగాణ ప్రజలకు అలర్ట్.. వచ్చే 10 రోజులు జాగ్రత్త, హెచ్చరికలు జారీ

తెలంగాణలో చలి తీవ్రత గణనీయంగా పెరుగుతోంది. రాబోయే పది రోజుల్లో.. ముఖ్యంగా నవంబర్ 13-17 మధ్య ఉష్ణోగ్రతలు 10 డిగ్రీల సెల్సియస్ కంటే తక్కువకు పడిపోయే అవకాశం ఉందని వాతావరణశాఖ హెచ్చరికలు జారీ చేసింది. కొన్ని జిల్లాలకు ఆరెంజ్, ఎల్లో అలర్ట్‌లు జారీ చేశారు. మరోవైపు, బంగాళాఖాతంలో ఏర్పడే అల్పపీడనం తుపానుగా మారి ఆంధ్రప్రదేశ్ తీరాన్ని తాకే అవకాశం ఉంది. దీని ప్రభావం తెలంగాణపై కూడా స్వల్పంగా ఉండవచ్చు.