తెలంగాణ బతుకమ్మ.. రెండు గిన్నిస్ వరల్డ్ రికార్డులు సొంతం..

సరూర్‌నగర్ మైదానంలో పర్యాటక శాఖ నిర్వహించిన బతుకమ్మ సంబరాలు రెండు గిన్నిస్ వరల్డ్ రికార్డులను సాధించి చరిత్ర సృష్టించాయి. 63 అడుగుల ఎత్తైన భారీ బతుకమ్మ ఒకటి కాగా, రెండవది ఒకేసారి 1354 మంది మహిళలు లయబద్ధంగా పాల్గొన్న అతిపెద్ద జానపద నృత్యం. ఈ విజయాన్ని మంత్రులు సీతక్క, జూపల్లి కృష్ణారావులు ప్రశంసించారు. ఆడబిడ్డల ఐక్యతకు, తెలంగాణ సంస్కృతికి ప్రపంచ గుర్తింపు లభించిన ఈ ఘట్టం... మహిళా శక్తిని, సాంస్కృతిక వైభవాన్ని ప్రపంచానికి చాటింది. బతుకమ్మ పండుగ ద్వారా తెలంగాణ ఖ్యాతి విశ్వవ్యాప్తమైంది.