తెలంగాణ మహిళలకు ఒక్కొక్కరికి రూ. 60 వేలు, సారె ఇవ్వాలి.. హరీష్ రావు సంచలన కామెంట్స్

ఇందిరా మహిళా శక్తి పేరుతో మహిళలకు తెలంగాణ ప్రభుత్వం చీరలు పంపిణీ చేస్తున్న విషయం తెలిసిందే. ఈ చీరల పంపిణీపై బీఆర్ఎస్ నేత, మాజీ మంత్రి హరీశ్ రావు కాంగ్రెస్ ప్రభుత్వంపై సంచలన వ్యాఖ్యలు చేశారు. మహిళా సంఘాల్లో ఉన్నవారికి మాత్రమే చీరలు ఇస్తున్నారని ఆరోపించారు. అంతేకాకుండా కేవలం చీర ఒకటే ఇచ్చి చేతులు దులుపుకున్నారని.. కానీ ప్రతి మహిళకు రూ. 60 వేలతో పాటు సారె ఇస్తామన్న హామీని నెరవేర్చాలని డిమాండ్ చేశారు. ఇక వడ్డీలేని రుణాల విషయంలోనూ ప్రభుత్వం మోసం చేస్తోందని.. మహిళా సంఘాలకు ఇచ్చిన రూ. 25 వేల కోట్ల రుణాల్లో.. కేవలం రూ. 5 వేల కోట్లే వడ్డీలేని రుణాలని ఆరోపించారు.