తెలంగాణ వీడనున్న ఆమ్రపాలి.. ఆ ఐఏఎస్‌లు కూడా.. కేంద్రం కీలక నిర్ణయం..

తెలంగాణలోని ఏపీ కేడర్ ఐపీఎస్, ఐఏఎస్ అధికారుల విషయంలో కేంద్ర ప్రభుత్వం కీలక నిర్ణయం తీసుకుంది. వీరందరినీ ఏపీలో రిపోర్టు చేయాలని ఆదేశించింది. తెలంగాణ కేడర్‌గా గుర్తించాలన్న విజ్ఞప్తిని కేంద్రం తిరస్కరించింది. వెంటనే ఆంధ్రప్రదేశ్‌లో రిపోర్టు చేయాలంటూ ఆదేశించింది. ఈ మేరకు రెండు రాష్ట్రాల సీఎస్‌లకు కేంద్రం ఉత్తర్వులు జారీ చేసింది. దీంతో జీహెచ్ఎంసీ కమిషనర్ ఆమ్రపాలి సహా ఐఏఎస్ అధికారులు రోనాల్డ్ రోస్, వాకాటి కరుణ, వాణీప్రసాద్, మల్లెల ప్రశాంతి వంటి వారు ఏపీలో రిపోర్టు చేయాల్సి ఉంటుంది.