తెలంగాణను వదలని వరుణుడు.. నేడు ఈ జిల్లాల్లో భారీ వర్షాలు, ఎల్లో అలర్ట్ జారీ

తెలంగాణ రాష్ట్రాన్ని వర్షాలు వీడడం లేదు. గత మూడు రోజులుగా కురుస్తున్న భారీ వర్షాలతో దక్షిణ, మధ్య తెలంగాణ జిల్లాలు అతలాకుతలమయ్యాయి. వాగులు, వంకలు పొంగిపొర్లుతుండగా.. హైదరాబాద్ నగరం జలమయమైంది. ఈ నేపథ్యంలో తాజాగా హైదరాబాద్ వాతావరణ కేంద్రం మరో ఐదు రోజులు భారీ వర్షాలు కురుస్తాయని హెచ్చరించింది. ముఖ్యంగా నేడు, రేపు (జూలై 21) భారీ వర్షాలకు అవకాశం ఉందని పలు జిల్లాలకు ఎల్లో అలర్ట్ జారీ చేశారు.