తెలంగాణలో కులగణనకు నోటిఫికేషన్.. 60 రోజుల్లో పూర్తిచేయాలని ఆదేశాలు

ఎన్నికల సమయంలో ఇచ్చిన మరో హామీ అమలుకు తెలంగాణ ప్రభుత్వం ముందుడుగు వేసింది. తాము అధికారంలోకి వస్తే సమగ్ర కుల గణన చేపడతామని కాంగ్రెస్ పార్టీ ఎన్నికల మేనిఫెస్టోలో ప్రకటించింది. ఇందుకు అనుగుంగా తెలంగాణ ప్రభుత్వం దీనికి సంబంధించి ఓ అడుగు ముందుకేసింది. బీసీ, ఎస్సీ, ఎస్టీ వర్గాల కులాలవారీగా సమగ్ర సర్వే చేపట్టేందుకు శుక్రవారం నాడు ఉత్తర్వులు జారీ చేసింది. కుల గణన బాధ్యతలను ప్లానింగ్‌ డిపార్ట్‌మెంట్‌కు అప్పగించింది.