తెలంగాణలోని ఆ జిల్లాలో అన్ని విద్యాసంస్థలకు సెలవు.. ఉత్తర్వులు జారీ..!

బతుకమ్మ, దసరా పండుగ వేళ తెలంగాణలోని అన్ని విద్యాసంస్థలకు భారీగా సెలవులు ఇచ్చారు. ఏకంగా 11 రోజుల పాటు సెలవులు ప్రకటించగా.. అందరూ ఈరోజే (అక్టోబర్ 15న) తిరిగి బడి బాట పట్టారు. కొందరైతే.. ఈరోజు కూడా స్కూల్‌కు వెళ్లకుండా రేపటి నుంచి వెళ్లేందుకు సిద్ధమయ్యారు. ఇంతలోనే.. ఎల్లుండి కూడా హాలిడేను ప్రకటిస్తూ ఉత్తర్వులు జారీ అయ్యాయి. అయితే.. ఈ హాలీడే.. రాష్ట్రవ్యాప్తంగా ఉన్న అన్ని విద్యాసంస్థలకు కాదు.. కేవలం కుమురం భీమ్ ఆసిఫాబాద్ జిల్లాలోని స్కూళ్లు, కాలేజీలకు మాత్రమే.