దసరా ఆఫర్.. రూ.100 కొట్టు.. పొట్టేలు పట్టు.. కుర్రాళ్ల తెలివికి ఫిదా అవ్వాల్సిందే!

దసరా పండుగ వచ్చిందంటే ఆఫర్లు, డిస్కౌంట్లు ప్రకటించని సంస్థలు, షాపులు ఉండవు. ఆన్‌లైన్‌లో విక్రయాలు సాగించే ఇ-కామర్స్ సంస్థలు మొదలు.. షాపింగ్‌ మాల్స్‌ వరకు ఆఫర్లు కోకొల్లలు. కానీ, ఈ సారి విజయ దశమకి తెలంగాణలోని గ్రామాల్లోనూ వినూత్న స్కీమ్‌లు పుట్టుకొచ్చాయి. రాష్ట్రవ్యాప్తంగా అనేక గ్రామాల్లో కొందరు యువకులు బృందాలుగా ఏర్పడి లాటరీ స్కీమ్‌లు పెట్టి... ప్రజలను ఆకర్షిస్తున్నారు. అయితే, ఈ లాటరీలో పేర్కొన్న బహుమతులు మాత్రం విచిత్రంగా ఉన్నాయి.