దసరా పండుగ వేడుకల్లో విషాదం.. డీజే సౌండ్‌కు ఆగిన గుండె!

అంబేద్కర్ కోనసీమ జిల్లాలో దసరా పండుగ వేళ విషాదం చోటుచేసుకుంది. కోనసీమ జిల్లా అమలాపురంలో డీజే సౌండ్ బాక్సుల శబ్దానికి ఓ యువకుడి ప్రాణం పోయింది. దసరా ముగింపు వేడుకల్లో డ్యాన్స్ చేస్తూ 21 ఏళ్ల యువకుడు చనిపోయాడు. ఊరేగింపు వేడుకల్లో డ్యాన్స్ చేస్తున్న సమయంలో ఈ ఘటన జరగటంతో ఆ ఊరిలో విషాద ఛాయలు అలుముకున్నాయి. మరోవైపు డీజే సౌండ్ బాక్సులకు అతి సమీపంలో ఉన్న కారణంగానే గుండెపోటు వచ్చినట్లు కుటుంబసభ్యులు చెప్తున్నారు. తమ కుమారుడికి ఎలాంటి అనారోగ్య సమస్యలు లేవని ఆవేదన వ్యక్తం చేస్తున్నారు.