దసరాకు పండగ చేసుకున్న మందుబాబులు.. 11 రోజుల్లోనే ఇన్ని వందల కోట్ల మద్యం తాగేశారా!

దసరా పండుగకు మందుబాబులు పండుగ చేసుకుంటున్నారు. రికార్డు స్థాయిలో మద్యం అమ్మకాలు సాగుతున్నాయి. ఇక డిమాండ్‌ను దృష్టిలో పెట్టుకుని వైన్ షాపులు కూడా ముందుజాగ్రత్త పడ్డాయి. అదనపు నిల్వలను అందుబాటులో ఉంచుకున్నాయి. ఇక లెక్కల సంగతికి వస్తే అక్టోబర్ ఒకటి నుంచి 11వ తేదీ వరకూ.. 11 రోజుల్లోనే తెలంగాణలో రూ.1057 కోట్లు విలువైన మద్యం అమ్మకాలు జరిగాయి. సాధారణ రోజులతో పోలిస్తే 25 శాతం వరకూ అమ్మకాలు పెరిగినట్లు తెలుస్తోంది. ఇక రేపు ఆదివారం కావటంతో ఈ జోరు మరింత పెరిగే అవకాశం ఉంది.