దేవరగట్టులో బన్నీ ఉత్సవం.. కర్రల సమరంలో 70 మందికి గాయాలు

Devaragattu Bunny Festival: కర్నూలు జిల్లా దేవరగట్టులో ప్రతి దసరా పండగకు ముందు రోజు రాత్రి కర్రల సమరం జరుగుతోంది. దేవరగట్టు వద్ద కొండపై వెలిసిన మాళమల్లేశ్వరస్వామి ఆలయంలో దేవతామూర్తులైన మాళమ్మ, మల్లేశ్వరస్వామికి దసరా పండుగన అర్ధరాత్రి 12 గంటలకు కల్యాణం జరిపిస్తారు. అనంతరం ఉత్సవ విగ్రహాలను ఊరేగిస్తారు.. ఆ విగ్రహాలను దక్కించుకోవడం కోసం రెండు వర్గాలు పోటీపడతాయి. దీన్నే బన్ని ఉత్సవం అని కూడా పిలుస్తారు. ఈ కర్రల సమరాన్ని చూసేందుకు పక్కనే ఉన్న తెలంగాణ, కర్ణాటక నుంచి కూడా భారీగా భక్తులు తరలివెళతారు.