నగరవాసులకు ఎగిరిగంతేసే వార్త.. ఓఆర్ఆర్ చుట్టూ మహా మెట్రో.. ఆ 22 చోట్ల స్టేషన్ల నిర్మాణం..

హైదరాబాద్ మహానగరంలో నానాటికీ పెరుగుతున్న జనాభాకు అనుగుణంగా ప్రభుత్వం రవాణా వ్యవస్థలో విప్లవాత్మక మార్పులు చేస్తోంది. నగరంలో ఒక చోటు నుండి మరో చోటుకు వెళ్లాలంటే ట్రాఫిక్ వల్ల గంటల తరబడి సమయం వృథా అవుతోంది. ఇప్పటికే అందుబాటులోకి వచ్చిన మెట్రో రైలు ప్రయాణ సమయాన్ని, ఖర్చును తగ్గించడంలో కీలక పాత్ర పోషిస్తోంది. దీనిని మరింత విస్తరిస్తూ.. నగరం నలుమూలలకూ మెట్రో సేవలు అందించేలా ప్రభుత్వం భారీ ప్రణాళిక సిద్ధం చేసింది. ఇందులో భాగంగా ఔటర్ రింగ్ రోడ్డు (ORR) చుట్టూ మెట్రో నిర్మాణాన్ని చేపట్టాలని నిర్ణయించింది. ఈ వలయాకార మెట్రో అందుబాటులోకి వస్తే శివారు ప్రాంతాల నుండి నగరంలోకి వచ్చే ప్రయాణికులకు ట్రాఫిక్ కష్టాలు తీరడమే కాకుండా.. ప్రయాణం ఎంతో సులభతరం అవుతుంది.