నిన్ననే పెళ్లి.. బంధువులు అందరూ సంతోషంలో ఉండగా.. ఈ లోపే..

పెళ్లింట్లో అనుకోకుండా జరిగిన ప్రమాదం సంబరాన్ని కాస్తా విషాదంగా మార్చింది. ఈ ఘటన అనంతపురం జిల్లా గుంతకల్లులో జరిగింది. గుంతకల్లులోని ఓ ఇంట్లో ఆదివారం వివాహ వేడుకలు ఘనంగా నిర్వహించారు. కుటుంబసభ్యులు, బంధువులు అందరూ ఆ సంతోషంలో ఉండగానే.. సోమవారం ప్రమాదం చోటుచేసుకుంది. పెళ్లింట్లోని వంట గ్యాస్ లీకై మంటలు చెలరేగాయి. ఈ ప్రమాదంలో ఏడు మంది గాయపడగా.. వారిలో ముగ్గురు తీవ్రంగా గాయపడ్డారు. వీరందరిని గుంతకల్లు ఆస్పత్రికి తరలించి చికిత్స అందిస్తున్నారు.