నెల్లూరు: ఇంటర్నేషనల్ క్రికెట్ బెట్టింగ్ రాకెట్ ఛేదించిన పోలీసులు..

క్రికెట్ బెట్టింగ్ నిర్వహిస్తున్న ఓ ముఠాను నెల్లూరు సిటీ పోలీసులు అరెస్ట్ చేశారు. ఆర్777 పేరుతో క్రికెట్ బెట్టింగ్ యాప్ నిర్వహిస్తున్న కొంతమందిని నెల్లూరు సిటీ పోలీసులు అరెస్ట్ చేశారు. ఇద్దరు బుకీలను అదుపులోకి తీసుకోగా.. మరో ఇద్దరు పరారీలో ఉన్నారు. మహేష్ బాబు అనే మాజీ సాఫ్ట్‌వేర్ ఇంజనీర్.. ఈ క్రికెట్ బెట్టింగ్ యాప్ వెనుక ఉన్నట్లు పోలీసులు తెలిపారు. మహేష్ బాబుతో పాటుగా మరో వ్యక్తిని అరెస్ట్ చేసిన పోలీసులు.. వారి వద్ద నుంచి ల్యాప్ ట్యాప్, మొబైల్ ఫోన్లు స్వాధీనం చేసుకున్నారు.