పంచాయతీల్లోనూ బిల్డ్‌నౌ.. నిమిషాల్లోనే నిర్మాణ అనుమతులు

గ్రామ పంచాయతీల్లోనూ బిల్డ్‌నౌ విధానాన్ని అమలు చేసేందుకు తెలంగాణ ప్రభుత్వం కసరత్తు చేస్తోంది. ప్రస్తుతం 123 మున్సిపాలిటీలు, 12 కార్పొరేషన్లలో అందుబాటులో ఉన్న ఈ ఏఐ ఆధారిత విధానాన్ని 12 వేలకుపైగా పంచాయతీలకు విస్తరించనున్నారు. ఇళ్లు, వాణిజ్య భవనాలు, లేఅవుట్ల అనుమతులను ఆన్‌లైన్‌లో వేగంగా పరిశీలించి మంజూరు చేయడం దీని ఉద్దేశం. గ్రామ పంచాయతీల్లో సిబ్బంది కొరత కారణంగా జరుగుతున్న జాప్యాన్ని తగ్గించేందుకు ఇది ఉపయోగపడనుంది. ఖాజాగూడలో భారీ ప్రాజెక్టుకు ఐదు నిమిషాల్లో అనుమతి లభించడం బిల్డ్‌నౌ వేగానికి ఉదాహరణగా అధికారులు పేర్కొంటున్నారు.