పండుగ పూట దారుణం.. తండ్రీకొడుకులను బెదిరించి.. అత్తాకోడలిపై సామూహిక అత్యాచారం

దసరా పండుగ రోజున శ్రీ సత్యసాయి జిల్లాలో దారుణం చోటుచేసుకుంది. కత్తులతో బెదిరించి నలుగురు దుండగులు అత్తాకోడలిపై అత్యాచారానికి పాల్పడ్డారు. చిలమత్తూరు మండలంలో జరిగిన ఈ ఘటన రాష్ట్రవ్యాప్తంగా చర్చనీయాంశమైంది. కర్ణాటక నుంచి ఉపాధి కోసం వలస వచ్చిన ఓ కుటుంబం స్థానికంగా ఓ నిర్మాణం వద్ద ఉంటూ జీవిస్తున్నారు. అయితే బైక్‌ల మీద వచ్చిన దుండగులు.. తండ్రీకొడుకులను కత్తితో బెదిరించి.. అత్తాకోడలిపై అఘాయిత్యానికి పాల్పడ్డారు. ఈ ఘటనను ప్రభుత్వం కూడా సీరియస్‌గా తీసుకుంది. దుండగుల కోసం పోలీసులు ప్రత్యేక బృందాలతో గాలిస్తున్నారు.