పండుగ రోజున చంద్రబాబు ఇంటికి చిరంజీవి.. అసలు కారణమదే..

ఆంధ్రప్రదేశ్ ముఖ్యమంత్రి నారా చంద్రబాబు నాయుడిని.. మెగాస్టార్ చిరంజీవి కలిశారు. జూబ్లీహిల్స్‌లోని సీఎం చంద్రబాబు నాయుడు నివాసంలో చిరంజీవి.. ఆయనతో భేటీ అయ్యారు. ఈ సందర్భంగా చిరంజీవికి చంద్రబాబు నాయుడు సాదర స్వాగతం పలికారు. అనంతరం ఆంధ్రప్రదేశ్ ముఖ్యమంత్రి సహాయనిధికి కోటి రూపాయలు విరాళంగా అందించారు చిరంజీవి. వరద బాధితుల కోసం అప్పట్లో విరాళం ప్రకటించిన చిరంజీవి.. ఈరోజు చంద్రబాబును కలిసి విరాళం తాలూకు చెక్ అందించారు. ఇక వరద బాధితులకు అండగా నిలుస్తున్నందుకు చంద్రబాబు.. చిరంజీవిని అభినందించారు.