పవన్ కళ్యాణ్ పలమనేరు పర్యటనలో అపశ్రుతి..

డిప్యూటీ సీఎం పవన్ కళ్యాణ్ పలమనేరు పర్యటనలో అపశ్రుతి చోటుచేసుకుంది. పలమనేరు మండలం ముసలిమడుగులోని కుంకీ ఏనుగుల శిక్షణ కేంద్రాన్ని డిప్యూటీ సీఎం పవన్ కళ్యాణ్ ఆదివారం సందర్శించారు. అయితే పవన్ కళ్యాణ్ వస్తున్నారనే విషయం తెలుసుకుని ఆయనను చూడటానికి భారీగా తరలివచ్చారు. పవన్ కళ్యాణ్ కాన్వాయి వచ్చిన సమయంలో ఆయనను చూడటానికి తోపులాట జరిగింది. దీంతో హేమలత అనే మహిళ కిందపడగా.. పవన్ కళ్యాణ్ ఉన్న కారు ఆమె కాలిపైకి ఎక్కింది. ఈ ఘటనలో హేమలతకు గాయాలు కాగా పలమనేరు ఆస్పత్రికి తరలించారు.