పవన్ కళ్యాణ్ వాస్తవాలే మాట్లాడారు.. తప్పు ఎవరిదైనా ప్రశ్నిస్తాం.. జనసేన నేత కీలక వ్యాఖ్యలు

ఏపీ డిప్యూటీ సీఎం పవన్ కళ్యాణ్ పిఠాపురం పర్యటనలో చేసిన వ్యాఖ్యలు రాష్ట్రవ్యాప్తంగా చర్చనీయాంశమైన సంగతి తెలిసిందే. ఈ నేపథ్యంలో పవన్ కళ్యాణ్ వాస్తవాలే మాట్లాడారంటూ జనసేన నేత కిరణ్ రాయల్ అభిప్రాయపడ్డారు. పవన్ కళ్యాణ్ శాంతిభద్రతలు క్షీణించాయని అంగీకరించారని.. చంద్రబాబు, పవన్ కళ్యాణ్, వంగలపూడి అనిత రాజీనామా చేయాలంటూ మాజీ మంత్రి రోజా సోమవారం డిమాండ్ చేశారు. ఈ నేపథ్యంలో రోజా వ్యాఖ్యలకు కిరణ్ రాయల్ కౌంటర్ ఇచ్చారు. రాజీనామా చేస్తే వచ్చి కూర్చోవడానికి ఇదేమీ జబర్దస్త్ సీటు కాదంటూ సెటైర్లు వేశారు.