పాడి కౌశిక్ రెడ్డికి బిగ్ రిలీఫ్.. బెయిల్ మంజూరు చేసిన కోర్టు

కరీంనగర్ కలెక్టరేట్ ఘటనలో బీఆర్ఎస్ ఎమ్మెల్యే పాడి కౌశిక్ రెడ్డికి కోర్టు బెయిల్ మంజూరు చేసింది. ఆయనపై మెుత్తం మూడు కేసులు నమోదు కాగా.. న్యాయస్థానం బెయిల్ ఇచ్చింది. గతరాత్రి హైదరాబాద్‌లో కౌశిక్ రెడ్డిని అరెస్ట్ చేసి నేడు ఉదయం వైద్య పరీక్షల అనంతరం మెజిస్ట్రేట్ ఎదుట హాజరుపరచగా.. షరుతులతో కూడిన బెయిల్ ఇచ్చింది. బెయిల్ అనంతరం మీడియాతో మాట్లాడిన పాడి కౌశిక్ రెడ్డి.. రేపు తాను హైదరాబాద్‌లో ప్రెస్‌మీట్ పెట్టి అన్ని విషయాలు వెల్లడిస్తానని అన్నారు. పండగ వేళ రాజకీయాలను మాట్లాడ దలచుకోలేదని.. కోర్టును గౌరవించాల్సిన అవసరం కూడా ఉందన్నారు.