పాడేరు సమీపంలో రోడ్డు పక్కన దూసుకెళ్లిన కారు.. డోర్ తీసి లోపల సీన్ చూసి పోలీసులు అవాక్కు

Paderu Ganja Seized: అల్లూరి సీతారామరాజు జిల్లా పాడేరు మండలం చింతలవీధి జంక్షన్‌లో గంజాయి పట్టుబడింది. ఒడిశా నుంచి గంజాయి తరలిస్తున్న ఓ వాహనం తెల్లవారుజామున గుంతలో దిగబడింది. ఎంత ప్రయత్నించినా.. కారు బయటకు రాకపోవడంతో నిందితులు అక్కడి నుంచి పరారయ్యారు. ఘటనా స్థలికి చేరుకున్న పోలీసులు.. కారులోని 538 కిలోల గంజాయిని స్వాధీనం చేసుకున్నారు. గంజాయి విలువ సుమారు రూ. 27 లక్షలు ఉంటుందన్నారు. వాహనం ఎవరిది? ఎక్కడికి తరలిస్తున్నారనే సమాచారంపై పోలీసులు వివరాలు సేకరిస్తున్నారు.