పార్టీ ఫిరాయించిన ఎమ్మెల్యేలపై.. సంచలన నిర్ణయం తీసుకున్న స్పీకర్..

తెలంగాణలో ఎమ్మెల్యేల అనర్హత పిటిషన్ల వ్యవహారం రాజకీయంగా సెగలు పుట్టిస్తోంది. పార్టీ ఫిరాయించిన ముగ్గురు ఎమ్మెల్యేలపై తగిన ఆధారాలు లేవంటూ స్పీకర్ గడ్డం ప్రసాద్ తాజాగా క్లీన్ చిట్ ఇచ్చారు. అయితే.. సుప్రీంకోర్టులో రేపు ఈ కేసుపై విచారణ జరగాల్సి ఉండగా, ఒక్క రోజు ముందే స్పీకర్ తీర్పు వెలువరించడం గమనార్హం. కేవలం అభివృద్ధి కోసమే ముఖ్యమంత్రిని కలిశామని, అధికారికంగా పార్టీ మారలేదన్న ఎమ్మెల్యేల వాదనతో స్పీకర్ ఏకీభవించారు. ఈ పరిణామంపై ప్రతిపక్ష బీఆర్ఎస్ ఆగ్రహం వ్యక్తం చేస్తోంది.