పులివెందులలో జగన్ ప్రజాదర్బార్.. ఎగబడ్డ జనం.. తోపులాట

=============వైఎస్ఆర్ కాంగ్రెస్ పార్టీ అధినేత, మాజీ ముఖ్యమంత్రి వైఎస్‌ జగన్మోహన్ రెడ్డి.. తన సొంత జిల్లా వైఎస్సార్‌ కడపలో పర్యటిస్తున్నారు. ఇందులో భాగంగా ప్రజాదర్బార్‌ కార్యక్రమం నిర్వహిస్తున్నారు. దీంతో క్యాంపు ఆఫీసుకు వచ్చిన వారి నుంచి వినతి పత్రాలను మాజీ సీఎం స్వీకరిస్తున్నారు. జగన్‌ నాలుగు రోజుల పర్యటనలో భాగంగా పులివెందులలో ఉన్న విషయం తెలిసిందే. ప్రజాదర్బార్ కార్యక్రమంలో జగన్‌తో పాటు ఎంపీ అవినాశ్ రెడ్డి కూడా పాల్గొన్నారు. మరోవైపు, జగన్ క్యాంపు కార్యాలయానికి భారీగా జనం తరలివస్తున్నారు. వారిని కంట్రోల్‌ చేయలేకపోవడంతో అద్దాలు ధ్వంసమైనట్లు తెలుస్తోంది. దీంతో పోలీసులు లాఠీచార్జి చేయడంతో అక్కడ స్వల్ప ఉద్రిక్త పరిస్థితులు నెలకొన్నాయి. పులివెందుల క్యాంపు కార్యాలయంలోకి జగన్ చేరుకునే సమయంలో తోపులాట జరిగింది. ప్రజా దర్బార్ కు వచ్చిన ప్రజలను కంట్రోల్ చేయలేకపోయారు పోలీసులు. జగన్2ను ఎమ్మెల్సీలు రామ సుబ్బారెడ్డి, రమేశ్ యాదవ్ కలిశారు.