మంగళగిరి ఎయిమ్స్‌లో కొత్త సేవలు.. ప్రారంభించిన ప్రధాని.. ఇక ఆ ఇబ్బందులు తప్పినట్టే!

మంగళగిరి ఎయిమ్స్‌లో డ్రోన్ సేవలు ప్రారంభమయ్యాయి. ప్రధానమంత్రి నరేంద్ర మోదీ మంగళవారం ఈ సేవలను ప్రారంభించారు. దేశవ్యాప్తంగా ఉన్న 11 ఎయిమ్స్‌లలో ఈ సేవలను వర్చువల్‌గా ప్రారంభించారు. అనంతరం ఎయిమ్స్‌కు 12 కిలోమీటర్ల దూరంలో ఉన్న పీహెచ్‌సీ నుంచి డ్రోన్ ద్వారా బ్లడ్ శాంపిల్ సేకరించారు మంగళగిరి ఎయిమ్స్ అధికారులు. ఎయిమ్స్ నుంచి వెళ్లిన డ్రోన్.. పీహెచ్‌సీలోని మహిళా రోగి బ్లడ్ శాంపిల్‌ను సురక్షితంగా తీసుకువచ్చింది. అయితే ప్రయోగాత్మకంగా దీనిని పరిశీలించామన్న అధికారులు.. మెరుగైన వైద్య సేవలు త్వరితగతిన అందించాలనే ఉద్దేశంతో డ్రోన్ సేవలు ప్రారంభించినట్లు చెప్పారు.