'మహాత్మా క్షమించు.. మళ్లీ ఇలా చేయం'.. తప్పు ఒప్పుకుని, బుద్ధితెచ్చుకున్న యువకులు

హైదరాబాద్‌లోని బోయినపల్లిలో ఓ ముగ్గురు యువకులు మహాత్మా గాంధీ విగ్రహం నోట్లో లక్ష్మీ బాంబు పెట్టి పేల్చిన ఘటన తీవ్ర చర్చనీయాంశం కాగా.. అందుకు సంబంధించి వీడియో తెగ వైరల్ అయిన విషయం తెలిసిందే. అయితే.. ఆ వెర్రిచేష్టకు పాల్పడిన యువకుల్లో పరివర్తన వచ్చింది. రాత్రికి రాత్రే ఏం జరిగిందో తెలియదు కానీ.. బాంబు పేల్చిన చోటే.. గాంధీజీని శుభ్రంగా కడిగి, పూల దండలేసి.. దండం పెట్టి క్షమాపణలు కోరారు. నెటిజన్లకు క్షమాపణలు కూడా కోరారు.