మహిళలకు తెలంగాణ సర్కారు తీపికబురు.. వడ్డీ లేకుండా రుణాలు.. ఐదేళ్లలో ఏకంగా..!

విజయదశమి పండుగరోజు తెలంగాణ ప్రభుత్వం మహిళలకు గుడ్ న్యూస్ వినిపించింది. మహిళా స్వయం సహాయక సంఘాలకు వడ్డీ లేని రుణాలు ఇస్తామని డిప్యూటీ సీఎం భట్టి విక్రమార్క తెలిపారు. ఏటా రూ.20 వేలకోట్లు వడ్డీ లేని రుణాలను స్వయం సహాయక సంఘాలకు అందిస్తామన్న భట్టి.. ఐదేళ్లల్లో ఈ రకంగా లక్ష కోట్లు అందించడమే తమ ప్రభుత్వం లక్ష్యమని చెప్పారు. మరోవైపు అశ్వారావుపేట పామాయిల్ ఫ్యాక్టరీలో నిర్మించిన పవర్ ప్లాంట్‌ను మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డితో కలిసి భట్టి విక్రమార్క ప్రారంభించారు.