మహిళా సంఘాలకు బిగ్‌ బూస్ట్‌.. 22 జిల్లాల్లో ఇందిరా మహిళా శక్తి భవనాలు రెడీ

తెలంగాణలో మహిళా స్వయం సహాయక సంఘాలకు శాశ్వత మౌలిక వసతులు కల్పించేందుకు నిర్మిస్తున్న 22 ఇందిరా మహిళా శక్తి భవనాలు ప్రారంభానికి సిద్ధమవుతున్నాయి. ఒక్కో భవనానికి రూ.5 కోట్ల చొప్పున మొత్తం రూ.110 కోట్లతో నిర్మిస్తున్న ఈ భవనాల్లో శిక్షణ, సమావేశాలు, వ్యాపారాభివృద్ధి, ఉత్పత్తుల ప్రదర్శన, మార్కెటింగ్‌ వంటి కార్యక్రమాలు నిర్వహించనున్నారు. ఇప్పటికే 12 భవనాలు పూర్తయ్యాయి. మరో ఎనిమిది ఈ నెలాఖరులోగా పూర్తయ్యే అవకాశం ఉంది. మిగిలిన రెండు నిర్మాణాలు చివరి దశలో ఉన్నాయి. సెప్టెంబరు మొదటి వారంలో సీఎం రేవంత్‌రెడ్డి వీటిని ప్రారంభించనున్నారు.