మీర్ ఆలం చెరువులో లండన్ తరహా ‘హైదరాబాద్ ఐ’.. మారనున్న భాగ్యనగర రూపురేఖలు: సీఎం రేవంత్ రెడ్డి

Mir Alam Flyover: తెలంగాణ అసెంబ్లీ సమావేశాల్లో సీఎం రేవంత్ రెడ్డి కీలక ప్రకటనలు చేశారు. అందులో భాగంగానే.. హైదరాబాద్ నగర అభివృద్ధి అంశంపై షార్ట్ డిస్కషన్ చేపట్టగా.. అందులో మాట్లాడిన సీఎం రేవంత్ రెడ్డి కీలక ప్రకటన చేశారు. నగరంలోని మీర్ ఆలం చెరువులో లండన్‌ తరహాలో 'హైదరాబాద్ ఐ' పేరుతో టవర్ నిర్మించనున్నట్టు సీఎం రేవంత్ రెడ్డి ప్రకటించారు. అంతే కాకుండా రెండున్నర కిలోమీటర్ల మేర.. సస్పెన్షన్ బ్రిడ్జ్ నిర్వించేందుకు ప్రణాళికలు రచించినట్టు తెలిపారు.