మున్సిపల్ ఎన్నికల టికెట్లు.. జీవన్ రెడ్డి తీవ్ర అసంతృప్తి

మున్సిపల్‌ ఎన్నికల్లో పార్టీ టికెట్ల కేటాయింపుపై కాంగ్రెస్‌ సీనియర్‌ నేత, మాజీ ఎమ్మెల్సీ జీవన్‌రెడ్డి తీవ్ర అసంతృప్తి వ్యక్తం చేశారు. జగిత్యాల మున్సిపాలిటీలో కాంగ్రెస్ పార్టీ టికెట్ల కేటాయింపుపై ఆయన అసహనం వ్యక్తం చేశారు. తన వర్గానికి కాకుండా ఎమ్మెల్యే సంజయ్‌ వర్గానికి చెందిన కాంగ్రెస్ నేతలకు అధికంగా టికెట్లు కేటాయించారని ఆరోపించారు. ఎమ్మెల్యే సంజయ్ వర్గానికి 30 సీట్లు ఇస్తే.. తన వర్గం నేతలకు కేవలం 20 టికెట్లు మాత్రమే ఇచ్చారని ఆవేదన వ్యక్తం చేశారు. ఈ క్రమంలోనే కాంగ్రెస్ నేతలు, కార్యకర్తలు.. భారీగా జీవన్‌రెడ్డి ఇంటికి చేరుకుని తమ గోడు వెళ్లబోసుకుంటున్నారు.