మున్సిపల్ ఎన్నికల్లో మందు పంపిణీ చేయలేదని.. చేయి కోసుకున్న యువకుడు.. ఇలా తయారయ్యారేంట్రా!

తెలంగాణ మున్సిపల్ ఎన్నికల్లో ప్రచార పర్వం జోరుగా సాగుతోంది. ఎన్నికల్లో గెలుపొందేందుకు ఉన్న అన్ని అస్త్రాలను పార్టీలు ఒక్కొక్కటిగా బయటకు తీస్తున్నాయి. పోలింగ్ తేదీ దగ్గర పడుతూ ఉండటంతో మద్యం, డబ్బులు పంపిణీ కూడా కొన్నిచోట్ల మొదలైపోయింది. ఈ క్రమంలోనే ఓ యువకుడు తమ దగ్గర మద్యం పంపిణీ చేయడం లేదంటూ చేయి కోసుకున్న ఘటన వైరల్ అవుతోంది. సంగారెడ్డి జిల్లా జోగిపేటకు చెందిన జాకీర్ అనే యువకుడు మున్సిపల్ ఎన్నికల్లో తమ వద్ద మందు పంపిణీ చేయటం లేదంటూ చేయి కోసుకోవటం కలకలం రేపింది.