రామ్ గోపాల్ వర్మకు రిలీఫ్.. ఆంధ్రప్రదేశ్ హైకోర్టు కీలక ఆదేశాలు

దర్శకుడు రామ్ గోపాల్ వర్మకు హైకోర్టులో ఊరట లభించింది. రామ్ గోపాల్ వర్మ మీద నమోదైన కేసులలో తొందరపాటు చర్యలు తీసుకోవద్దంటూ ఆంధ్రప్రదేశ్ హైకోర్టు మధ్యంతర ఉత్తర్వులు జారీ చేసింది. రామ్ గోపాల్ వర్మ ముందస్తు బెయిల్ పిటిషన్‌ను విచారించిన ఏపీ హైకోర్టు.. ఈ మేరకు ఆదేశాలు ఇచ్చింది. అనంతరం విచారణను నవంబర్ 9 వరకూ వాయిదా వేసింది. అప్పటి వరకూ రామ్ గోపాల్ వర్మను అరెస్ట్ చేయవద్దని న్యాయస్థానం పోలీసులకు స్పష్టం చేసింది. రామ్ గోపాల్ వర్మపై ఏపీలో పలుచోట్ల కేసులు నమోదైన సంగతి తెలిసిందే.