రూ.40000 కోట్లతో "ప్రాజెక్టు-77".. విశాఖపట్నానికే ఆ ఛాన్స్!

ఆంధ్రప్రదేశ్ ఆర్థిక రాజధాని విశాఖకు కేంద్రం మరో శుభవార్త వినిపించింది. విశాఖపట్నంలో రూ.40000 కోట్లు విలువైన ప్రాజెక్టు -77 చేపట్టాలని నిర్ణయించినట్లు సమాచారం. అణుశక్తితో దాడి చేయగలిగే రెండు జలాంతర్గాములను దేశీయంగా అభివృద్ధి చేయాలని కేంద్రం సంకల్పించింది. దీనికి ప్రాజెక్టు -77 అనే పేరు పెట్టుకుంది ఈ ప్రాజెక్టుకు ఇటీవలే భద్రతా వ్యవహారాల కేబినెట్ కమిటీ పచ్చజెండా ఊపింది. ఈ నేపథ్యంలో ఈ ప్రాజెక్టును విశాఖలోని షిప్ బిల్డింగ్ సెంటర్‌లో చేపట్టాలని కేంద్రం ఆలోచిస్తున్నట్లు తెలిసింది.