రేషన్ కార్డు లేకపోయినా ఇందిరమ్మ ఇండ్లు.. కండీషన్స్ అప్లై, మంత్రి పొంగులేటి ప్రకటన

ఇందిరమ్మ ఇండ్ల పథకంపై అమలుపై మంత్రి పొంగులేటి కీలక ప్రకటన జారీ చేశారు. రేషన్ కార్డు లేకపోయినా ఇందిరమ్మ ఇండ్లు మంజూరు చేస్తామన్నారు. మొదటి విడతలో ఇచ్చేందుకు నిర్ణయం తీసుకున్నట్లు చెప్పారు. రెండో విడత నుంచి మాత్రం రేషన్ కార్డు ఉంటేనే అర్హులుగా పరిగణిస్తామన్నారు. పంచాయతీ కార్యదర్శులు స్థానికంగానే నివాసం ఉండాలని.. పనిలో నిర్లక్ష్యం వహించే వారిపై వేటు వేయాలని అధికారులకు సూచించారు. కాగా, మంత్రి ప్రకటనతో ఇందిరమ్మ ఇండ్ల అర్హులు హర్షం వ్యక్తం చేస్తున్నారు.