రేషన్‌ బియ్యంతోపాటు 6 రకాల సరుకులు.. సంక్రాంతి నుంచి పంపిణీకి తెలంగాణ సర్కార్ యోచన..!

ఎల్‌నినో ప్రభావంతో కరువు పరిస్థితులపై ఆందోళనల నేపథ్యంలో తెలంగాణ ప్రభుత్వం రేషన్‌ బియ్యంతోపాటు ఆరు నిత్యావసర వస్తువులను పంపిణీ చేసే ప్రతిపాదనను పరిశీలిస్తోంది. కందిపప్పు, పామాయిల్‌, చింతపండు, కారంపొడి, చక్కెర, గోధుమపిండిని అందించే అంశంపై కసరత్తు జరుగుతున్నట్లు సమాచారం. రాష్ట్రంలోని 1.06 కోట్ల ఆహార భద్రత కార్డుల పరిధిలో ఉన్న 3.42 కోట్ల మందికి ప్రయోజనం చేకూర్చేలా బడ్జెట్‌, నిల్వలు, పంపిణీ పరిమాణంపై ప్రభుత్వం లెక్కలు వేస్తోంది.