లాటరీలో లిక్కర్ షాప్ గెలుచుకున్నాడు.. సంతోషంలో బయటకు రాగానే కిడ్నాప్..ట్విస్ట్ ఏంటంటే?

ఆంధ్రప్రదేశ్ వ్యాప్తంగా మద్యం షాపుల లాటరీ ప్రక్రియలో అనేక ఆసక్తికర ఘటనలు చోటుచేసుకున్నాయి. అయితే సత్యసాయి జిల్లాలో జరిగిన ఘటన మాత్రం కలకలం రేపింది. లాటరీలో మద్యం షాపు లైసెన్స్ గెలుచుకున్న వ్యక్తిని కొంతమంది కిడ్నాప్ చేశారు. లాటరీ గెలుచుకున్న ఆనందంలో బయటకు వచ్చిన వ్యక్తిని కొంతమంది అపహరించినట్లు ఆ వ్యక్తి కుటుంబసభ్యులు ఆరోపిస్తున్నారు. దీనిపై పుట్టపర్తి పోలీస్ స్టేషన్‌లో ఫిర్యాదు కూడా చేశారు. అయితే బాలకృష్ణ మనుషులే అపహరించారంటూ సోషల్ మీడియాలో ఫోన్ కాల్ వైరల్ అవుతోంది.