విశాఖపట్నంకు శుభవార్త చెప్పిన చంద్రబాబు.. అమరావతితో సమానంగా, 3 జిల్లాలకు మహర్దశ

Visakhapatnam Outer Ring Road Plan: విశాఖపట్నం, అనకాపల్లి, అల్లూరి సీతారామరాజు జిల్లాలకు సంబంధించిన ప్రజాప్రతినిధులు, అధికారులతో ముఖ్యమంత్రి నారా చంద్రబాబునాయుడు విశాఖ కలెక్టరేట్ లో అభివృద్ధి కార్యక్రమాలపై సమీక్షా సమావేశం నిర్వహించారు. అధికారులు స్మార్ట్‌ వర్క్‌ చేయాలని.. విశాఖలో పర్యాటకం అభివృద్ధికి పెద్దపీట వేయాలి అన్నారు. విజయనగరం, నెల్లిమర్ల, భోగాపురం, అనకాపల్లి ప్రాంతాలను విశాఖకు అనుసంధానం చేస్తూ ఓఆర్‌ఆర్‌ వేసేందుకు ప్లాన్‌ చేయాలని సూచించారు. హైదరాబాద్‌‌లా విశాఖ అభివృద్ధి చెందాలని.. 2047 విజన్‌ డాక్యుమెంట్‌ ప్రకారం 15 శాతం వృద్ధి సాధించాలి అన్నారు.