విహారయాత్రలో విషాదం.. అమెరికాలో ఇద్దరు తెలంగాణ యువతులు మృతి..

ఉన్నత చదువులు, ఉద్యోగాల కోసం మూడేళ్ల క్రితం అమెరికాకు వెళ్లిన ఇద్దరు తెలంగాణ యువతులు ఘోర రోడ్డు ప్రమాదంలో మృతి చెందారు. కాలిఫోర్నియాలో స్నేహితులతో విహారయాత్రకు వెళ్లి తిరిగి వస్తుండగా.. అలబామా హిల్స్ రోడ్డులో కారు లోయలో పడిపోయింది. ఈ ఘటనలో వీరిద్దరు మృతి చెందినట్లు.. మిగతా వారికి గాయాలు అయినట్లు తెలుస్తోంది. ఈ మరణ వార్త తెలిసి మృతుల కుటుంబ సభ్యులు కన్నీరుమున్నీరు అవుతున్నారు. వారి స్వస్థలాల్లో విషాద ఛాయలు అలుముకున్నాయి.