శ్రీశైలం మల్లన్నకు భారీగా హుండీ ఆదాయం.. 23 రోజుల్లో ఎన్ని కోట్లంటే!

Srisailam Hundi Income: శ్రీశైల భ్రమరాంబికా మల్లికార్జున స్వామి అమ్మవార్ల హుండీకి భారీగా ఆదాయం సమకూరింది. ఆలయంలోని చంద్రావతి కల్యాణ మండపంలో ఆలయ అధికారులు సిబ్బందితోపాటు శివసేవకులు హుండీలను లెక్కించారు. గత 23 రోజులుగా స్వామి అమ్మవార్లకు భక్తులు చెల్లించిన మొక్కులు, కానుకలు నగదు రూపంలో రూ.3,39,61,457 ఆదాయంగా వచ్చింది. అలాగే 139.2 గ్రాముల బంగారం, సుమారు 5.4 కేజీల వెండి ఆభరణాలు.. విదేశీ కరెన్సీ కూడా కానుకల రూపంలో వచ్చింది.