సర్కారు బడిలో చదివి 4 ప్రభుత్వ ఉద్యోగాలు.. ట్యూషన్లు చెబుతూ కల నెరవేర్చుకున్న చదువుల తల్లి

ఒక్క ప్రభుత్వ ఉద్యోగం సాధించటమే కష్టమైన ఈ రోజుల్లో.. ఈ చదువుల తల్లి ఏకంగా నాలుగు ప్రభుత్వ ఉద్యోగాలు సాధించింది. చదివింది సర్కారు బడిలోనే అయినా.. ఆర్థిక ఇబ్బందులు వెంటాడుతున్నా.. ఎక్కడా తనలోని ఆత్మస్థైర్యాన్ని కోల్పోకుండా ట్యూషన్లు చెబుతూ తన కొలువుల కలను సాకారం చేసుకుంది. నల్గొండ జిల్లా కేంద్రానికి చెందిన చింతల తులసి.. ఇప్పటికే నాలుగు ప్రభుత్వ ఉద్యోగాలు సాధించగా.. గ్రూప్ -1 లక్ష్యంగా తన చదువుల ప్రయాణాని కొనసాగిస్తానని చెబుతోంది.