సింగరేణి కార్మికుల కోసం మరో పథకం.. సహజ మరణానికి రూ.10 లక్షల ఉచిత బీమా

సింగరేణి కార్మికుల సంక్షేమం కోసం యాజమాన్యం మరో గొప్ప నిర్ణయం తీసుకుంది. యూనియన్ బ్యాంకులో శాలరీ అకౌంట్ ఉన్న కార్మికులకు, వారు సహజ మరణం పొందినా రూ.10 లక్షల ఉచిత బీమా సౌకర్యం కల్పించనున్నారు. ఏప్రిల్ 1 నుంచే అమలులోకి వచ్చిన ఈ పథకం కోసం కార్మికులు ఎలాంటి ప్రీమియం చెల్లించక్కర్లేదు. ఇప్పటికే ఉన్న రూ.1 కోటి ప్రమాద బీమాకు ఇది అదనపు ప్రయోజనం. ఇతర బ్యాంకులు కూడా ఇదే తరహా బీమాను అందించేలా సంస్థ చర్చలు జరుపుతోంది.