సీఐపై చేయిచేసుకున్న ఆశావర్కర్.. అందుకే కొట్టిందట..!

హైదరాబాద్‌లో ఆశావర్కర్లు చేపట్టిన ఆందోళన ఉద్రిక్తంగా మారింది. కోఠీలోని డీఎంఈ కార్యాలయం గేటు ముందు ఆశావర్కర్లు పెద్దఎత్తున ఆందోళన చేపట్టగా.. పోలీసులు రంగంలోకి దిగి చెదరగొట్టే ప్రయత్నం చేశారు. ఈ క్రమంలోనే ఆశావర్కర్లను పోలీసులు బలవంతంగా తరలించారు. ఈ సమయంలో ఆశావర్కర్ల పట్ల పోలీసులు దురుసుగా ప్రవర్తించారు. అందులో ఓ ఆశావర్కర్ సీఐపై చేయిచేసుకోగా.. మిగతా పోలీసులంతా ఆమెను ఎగిరెగిరి కొట్టారు. ఇందుకు సంబంధించి వీడియోలు సోషల్ మీడియాలో వైరల్ అవుతున్నాయి.