సుడి తిరిగింది.. ఒక్క వ్యక్తికి అన్ని షాపులా? అదృష్టమంటే ఆయనదే!

ఆంధ్రప్రదేశ్‌లో మద్యం దుకాణాల కేటాయింపు పూర్తైంది. దరఖాస్తు చేసుకున్న వారిలో నుంచి లాటరీ తీసి.. మద్యం దుకాణాలను కేటాయించారు. అన్ని జిల్లాలలోనూ పటిష్టమైన భద్రత మధ్య మద్యం దుకాణాల కేటాయింపు కార్యక్రమం జరిగింది. ఇక లాటరీలో ఈసారి చిత్రవిచిత్రమైన ఘటనలు జరిగాయి. సత్యసాయి జిల్లాలో ఒకే వ్యక్తి ఐదు మద్యం దుకాణాలను సొంతం చేసుకున్నారు. అనంతపురం జిల్లా బీజేపీ అధ్యక్షుడిగా ఉన్న శ్రీనివాసులు అనే వ్యక్తికి లాటరీలో ఏకంగా ఐదు మద్యం దుకాణాలు దక్కాయి.