హైదరాబాద్ KBR పార్క్ చుట్టూ శాశ్వతంగా వన్‌వే.. కొత్త ప్లాన్‌తో రూ.400 కోట్లు ఆదా: GHMC కమిషనర్

హైదరాబాద్‌ కేబీఆర్ పార్క్ చుట్టూ ట్రాఫిక్ సమస్యను పరిష్కరించేందుకు జీహెచ్‌ఎంసీ కొత్త ప్రణాళికపై దృష్టి సారించింది. ప్రస్తుతం అమలు చేస్తున్న వన్‌వే, ఫ్రీ లెఫ్ట్ విధానం మంచి ఫలితాలను ఇవ్వడంతో ఈ విధానాన్ని శాశ్వతంగా కొనసాగించాలని నిర్ణయించింది. గతంలో రూ.1,090 కోట్ల అంచనా వ్యయంతో ప్రతిపాదించిన స్టీల్ బ్రిడ్జిలు, అండర్‌పాస్‌ల ప్రణాళికను రద్దు చేసింది. ఈ క్రమంలోనే సుమారు 4 కిలోమీటర్ల ఎలివేటెడ్ కారిడార్ నిర్మించనున్నారు. ఈ సరికొత్త ప్రణాళికతో సుమారు రూ.400 కోట్లు ఆదా అయ్యే అవకాశం ఉందని జీహెచ్‌ఎంసీ కమిషనర్ ఆర్వీ కర్ణన్ తెలిపారు.