హైదరాబాద్‌ TGSRTC బస్సు ప్రయాణికులకు గుడ్‌న్యూస్.. రూ.600తో వారం రోజులు అన్‌లిమిటెడ్ జర్నీ

హైదరాబాద్‌ నగర ప్రయాణికుల కోసం టీజీఎస్‌ఆర్టీసీ రూ.600కే ఏడు రోజుల పాటు అపరిమిత సిటీ బస్సు ప్రయాణ సౌకర్యాన్ని అందుబాటులోకి తీసుకొచ్చింది. గ్రేటర్‌ హైదరాబాద్‌ పరిధిలో ఏసీ, నాన్‌ ఏసీ సిటీ బస్సుల్లో ఈ పాస్‌ వినియోగించుకోవచ్చు. అయితే.. పుష్పక్‌ ఎయిర్‌పోర్ట్‌ లైనర్‌ సర్వీసులకు ఇది వర్తించదు. మరోవైపు.. విమానాశ్రయానికి వెళ్లే పుష్పక్‌ ఏసీ బస్సుల ఛార్జీలను కూడా అక్టోబర్‌ 7 నుంచి తగ్గించారు. రోజువారీ ప్రయాణికుల ఖర్చులు తగ్గించడంతో పాటు ప్రజా రవాణా వినియోగాన్ని పెంచడం ఈ నిర్ణయాల లక్ష్యంగా అధికారులు తెలిపారు.