హైదరాబాద్ గేటెడ్ కమ్యూనిటీల్లో కొత్త డిమాండ్.. స్విమ్మింగ్ పూల్, జిమ్‌తో పాటు ఇక ఇదీ కావాలి..!

హైదరాబాద్‌లోని గేటెడ్ కమ్యూనిటీల్లో మరణించిన వారికి గౌరవప్రదంగా తుది వీడ్కోలు పలికేందుకు ప్రత్యేక స్థలం ఏర్పాటు చేయాలనే డిమాండ్ పెరుగుతోంది. గచ్చిబౌలి, తెల్లాపూర్, కూకట్‌పల్లి, మియాపూర్, నల్లగండ్ల ప్రాంతాల నివాసితులు ప్రభుత్వానికి ఈ మేరకు విజ్ఞప్తి చేశారు. కొత్త హై రైజ్ భవనాలు, భారీ గేటెడ్ కమ్యూనిటీల్లో ఇలాంటి స్థలాన్ని తప్పనిసరి చేయాలని కోరుతున్నారు. ఈ ప్రతిపాదనను కొత్త భవన నిబంధనల్లో చేర్చే అంశాన్ని పరిశీలిస్తున్నట్లు MAUD అధికారులు తెలిపారు. డెవలపర్లు కూడా ఫ్రీజర్ బాక్సులతో పాటు ప్రత్యేక సంతాప ప్రదేశాలు ఏర్పాటు చేయాలని నివాసితులు సూచిస్తున్నారు.