హైదరాబాద్‌లో న్యూ ఇయర్ వేడుకలు.. దరఖాస్తులకు డిసెంబర్ 21 వరకు ఛాన్స్..

నూతన సంవత్సరం 2026 వేడుకలను నిర్వహించాలనుకునే వారు సైబరాబాద్ పోలీస్ కమిషనరేట్ నుండి ముందస్తు అనుమతి తప్పనిసరిగా తీసుకోవాలి. ఈవెంట్ నిర్వాహకులు డిసెంబర్ 21, 2025 లోపు ఆన్‌లైన్‌లో దరఖాస్తు చేసుకోవాలని పోలీసులు సూచించారు. టికెట్ ఈవెంట్లకు 'కమర్షియల్/టికెటెడ్ ఫారం'ను, ఉచిత వేడుకలకు 'నాన్ కమర్షియల్ ఫారం'ను ఎంచుకోవాల్సి ఉంటుంది. ఫిజికల్ దరఖాస్తులు, గడువు తర్వాత వచ్చే దరఖాస్తులు పరిగణలోకి తీసుకోబడవని సైబరాబాద్ పోలీసులు స్పష్టం చేశారు.