హైదరాబాద్‌లో మరో అతిపెద్ద ఫ్లైఓవర్.. ఆ మార్గాల్లో ట్రాఫిక్ కష్టాలు తీరినట్టే..!

Aramghar Flyover Open: హైదరాబాద్‌ నగరంలో ప్రధాన సమస్యగా మారిన ట్రాఫిక్ కష్టాలను తీర్చేందుకు ప్రభుత్వాలు అన్ని రకాలుగా చర్యలు తీసుకుంటూనే ఉన్నాయి. ఇప్పటికే నగరంలోని రద్దీగా ఉంటే చాలా మార్గాల్లో ఫైఓవర్లు, అండర్ పాస్‌లు నిర్మిస్తుండగా.. ఇదే క్రమంలో.. జూపార్క్ నుంచి ఆరాంఘర్ వరకు ఆరు లేన్ల రోడ్డుతో సుమారు నాలుగు కిలోమీటర్ల ఫ్లైఓవర్‌ను నిర్మించారు. ఈ ఫ్లైఓవర్ పనులు పూర్తి కాగా.. ప్రజలకు అందుబాటులోకి వచ్చేందుకు సిద్ధమైంది. సీఎం రేవంత్ రెడ్డి చేతుల మీదుగా ఈ ఫ్లైఓవర్ ప్రారంభం కానుంది.