హైదరాబాద్ వాసులకు అలర్ట్.. నగరంలో 3 గంటల పాటు భారీ వర్షం.. బయటకు రావద్దంటూ

Heavy Rain Alert To Hyderabad: హైదరాబాద్ వాసులకు వాతావరణ శాఖ హెచ్చరిక జారీ చేసింది. సోమవారం సాయంత్రం 5 గంటల నుంచి రాత్రి 8 గంటల వరకు భారీ వర్షాలు కురిసే అవకాశం ఉంది. ప్రజలు అప్రమత్తంగా ఉండాలని, వీలైతే సాయంత్రం 4.30 గంటలలోపు ఇళ్లకు చేరుకోవాలని అధికారులు సూచిస్తున్నారు. తెలంగాణలోని ఇతర ప్రాంతాల్లో కూడా వర్షాలు కురిసే అవకాశం ఉందని వాతావరణ శాఖ తెలిపింది. జూలై నెలలో సగటు వర్షపాతం నమోదవుతుందని అంచనా వేస్తున్నారు.